Þjálfaranámskeið 2026

Markmið Blaksambands Íslands er að efla þjálfaramenntun og styðja við öflugt þjálfarastarf innan aðildarfélaga sambandsins. Skráning er nú hafin í þjálfaranámskeið BLÍ sem haldin verða í ágúst.

Næstu BLÍ námskeið eru eftirfarandi:

BLÍ 3

Bóklegur hluti fer fram í Varmá í Mosfellsbæ dagana 7. – 9. ágúst.

BLÍ 1

Bóklegur hluti fer fram á Akureyri dagana 14. – 16. ágúst.

Verklegur hluti beggja námskeiða fer fram samhliða Hæfileikabúðum BLÍ. Þátttakendur geta valið hvort þeir ljúki verklega hlutanum 21. – 23. ágúst í Mosfellsbæ eða 28. – 30. ágúst á Húsavík. Einungis þarf að mæta aðra hvora verklegu helgina.

Leiðbeinandi námskeiðsins verður Borja Gonzáles Vicente.

Hádegismatur er innifalinn í bóklega og verklega hluta námskeiðanna.

Samkvæmt reglum Blaksambands Íslands skulu allir þjálfarar sem starfa innan aðildarfélaga BLÍ hafa viðeigandi þjálfaramenntun. Þátttakendur þurfa að uppfylla þær forsendur sem gilda fyrir viðkomandi námskeið samkvæmt reglugerð um þjálfaramenntun BLÍ.

Skráning fer fram á Abler, https://www.abler.io/shop/bli.

Nánari upplýsingar um þjálfaramenntun og reglugerðir má finna á heimasíðu BLÍ undir reglugerðir.