Svanur og Sölvi unnu gull í Andorra

U19 landslið Íslands í strandblaki karla, skipað tvíburabræðrunum Svani og Sölva Hafþórssonum, náði frábærum árangri á SCA strandblaksmótinu sem fór fram í Andorra um helgina. Strákarnir fóru ósigraðir í gegnum mótið, unnu allar hrinurnar sem þeir léku og stóðu að lokum uppi sem sigurvegarar mótsins.

Undirbúningurinn fyrir mótið var með nokkuð óhefðbundnum hætti. Svanur og Sölvi hafa verið á æfingum í Neskaupstað í sumar þar sem Taylor Horsfall hefur séð um þjálfun þeirra. Þar sem landsliðsþjálfarinn, Pedro D Dupuy Del Lome Naschimento, er staðsettur á höfuðborgarsvæðinu var sameiginlegur undirbúningur með landsliðsþjálfara því takmarkaður utan æfingabúðanna sem haldnar voru fyrr í sumar.

Í riðlakeppninni unnur þeir örugga sigra gegn Andorra, Norður-Írlandi, Gíbraltar og Skotlandi og tryggðu sér þar með sæti beint í undanúrslitunum. Þar mættu þeir liði Gíbraltar og lentu í erfiðri stöðu í seinni hrinunni þegar þeir voru sjö stigum undir. Þeir sýndu mikinn karakter, unnu sig jafnt og þétt aftur inn í leikinn og tryggðu sér að lokum sigur í hrinunni, 22-20, og þar með sæti í úrslitaleiknum.

Í úrslitunum mættu þeir heimamönnum frá Andorra, Svanur og Sölvi léku af miklu öryggi og náðu sannfærandi sigri sem tryggði Íslandi gullverðlaunin á mótinu.

Sigurinn hefur einnig mikilvæga þýðingu fyrir framhaldið. Með árangrinum tryggðu þeir Íslandi þátttökurétt á lokamót Evrópumótsins árið 2027 í U20 ára aldursflokki.

Pedro hafði þetta að segja um mótið:

„I’m very proud of them, because before they went to the tournament I didn’t know what to expect, but from the very first match I realised they’d be in contention for the gold. And I think that if they carry on preparing with next year’s tournament in mind, they’ll raise their game considerably. And it’s been a brilliant experience as a coach. Not just because of the result, but because in our free time we’ve had a lot of fun – going out for dinner together, to the swimming pool, shopping, exploring the city. It’s been a really fun experience with friends, not just as players and coach.

Blaksamband Íslands óskar Svani og Sölva innilega til hamingju með glæsilegan árangur og hlakkar til að fylgjast með þeim á Evrópumótinu á næsta ári.