Strandblakslandslið Íslands á lokamót EM

U20 landsliðin halda til Ítalíu á lokamót EM í strandblaki

U20 landslið Íslands í strandblaki eru á leið til Ítalíu þar sem þau taka þátt í lokamóti Evrópumótsins. Keppni hefst á morgun og verður spennandi að fylgjast með íslensku liðunum etja kappi við bestu ungu strandblakspör Evrópu.

Í kvennaflokki eru það Helena Kristjánsdóttir ogSóldís Júlía Sigurpálsdóttir sem unnu sér inn þátttökurétt inn á lokamót EM me því að standa uppi sem sigurvegarar á undanúrslitamóti sem  haldið var s.l ár. Í karlaflokki verða Ágúst Leó Sigurfinnsson ogEmil Már Diatlovic fulltrúar Íslands, en þeir unnu sér sömuleiðis inn þátttökurétt sem því að sigra undankeppnina í fyrra.

Leiktímar liggja ekki fyrir að svo stöddu. Við hvetjum því öll til að fylgjast vel með frekari upplýsingum um leikjadagskrá og hvar hægt verður að fylgjast með útsendingum frá leikjunum.

U18 landsliðin halda utan síðar í mánuðinum

Fram undan er einnig lokamót EM hjá U18 landsliðum í Tyrklandi. Þar unnu Anika Snædís Gautadóttir, Þorbjörg Rún Emilsdóttir, Ágúst Leó Sigurfinnsson ogMarkús Freyr Arnarsson sér inn þátttökurétt með því að sigra öll í undankeppninni sem fram fór í fyrra. U18 hópurinn fer út þann 15. september.

Þjálfarar liðanna eru Borja Gonzálezog Pedro Dupuy de Lome.

Við óskum keppendum og þjálfurum góðs gengis á lokamótum EM!