Landsliðshópar á Silver League 2024

Þjálfarar A landsliðanna hafa valið lokahópa sem taka þátt í Silver League (Evrópudeildinni) núna í maí mánuði.

Landsliðin hefja leik með því að spila æfingaleiki að Varmá í tengslum við MosÖld 2024
Karlalandsliðið spilar við úrvalslið erlendra leikmanna fimmtudaginn 9.maí kl. 20:00
Kvennalandsliðið spilar við Færeyjar föstudaginn 10. maí kl. 20:00
Miðasala á þessa leiki fer fram í gegnum Stubb eða í posa við Sal 3 að Varmá

Karlalandsliðið heldur svo til Færeyja á föstudaginn og spila þar 2 æfingaleiki við heimamenn.
Hér er linkur á streyim frá þeim leikjum
Kvennalandsliðið spilar aftur æfingaleiki við Færeyjar á laugardaginn 11. maí kl. 11:00 og á sunnudaginn 12. maí kl 14:00. Þeir leikir fara fram í Fagralundi í Kópavogi og er rukkaður 1000kr aðgangseyrir inn á þá leiki við hurðina.

Fyrsta umferðin í Silver League keppninni fer fram á Íslandi dagana 17.-19. maí. Spilað verður í Digranesi og eiga íslensku liðin leiki á föstudegi og sunnudegi. Miðasala á þá leiki fer fram í Stubb appinu.

Karlaliðið spilar svo í Færeyjum helgina 24.-26 maí og kvennaliðið í Portúgal.
Á síðustu keppnishelginni 31. maí – 2. júní spilar karlalandsliðið í Norður-Makedóníu og kvennaliðið í Georgíu.

Þjálfarar karlalandsliðsins, þeir Borja González Vicente og Egill Þorri Arnarsson hafa valið stóran hóp leikmanna sem tekur þátt í verkefninu og er hópurinn aðeins breytilegur á milli keppnishelga.

Massimo Pistoia og Bryan Silva, þjálfarar kvennaliðsins hafa valið 18 manna hóp en 14 leikmenn munu taka þátt í öllu verkefninu.

Leikmenn landsliðanna verða á MosÖld 2024 og vonumst við til að blakarar alls staðar af landinu taki vel á móti þeim og styrki okkar fólk með einum hætti eða öðrum.