Hæfileikabúðir 2026

Blaksamband Íslands hefur opnað fyrir skráningu í Hæfileikabúðir BLÍ 2026 sem haldnar verða tvær helgar í ágúst. Fyrri búðirnar fara fram21. – 23. ágúst í Varmá í Mosfellsbæ en síðari búðirnar 28. – 30. ágúst á Húsavík.

Hæfileikabúðirnar eru ætlaðar leikmönnum fæddum 2011 – 2014. Í búðunum í Mosfellsbæ verður einnig opið fyrir leikmenn fædda 2009 og 2010 (U18).

Í Hæfileikabúðunum fá þátttakendur tækifæri til að æfa undir leiðsögn reyndra þjálfara, efla tæknilega og taktíska getu sína og kynnast öðrum blakiðkendum víðs vegar af landinu. Boðið verður upp á fjölbreyttar æfingar, fyrirlestur og aðra dagskrá yfir helgina. Eftir fyrstu æfinguna verður þátttakendur skipt í hópa eftir getu svo allir fái æfingar við sitt hæfi.

Samhliða Hæfileikabúðunum í Mosfellsbæ verða afreksbúðir BLÍ fyrir úrtakshópa U18 kvenna, U20 kvenna og U20 karla. Hæfileikabúðirnar eru því jafnframt mikilvægur vettvangur þar sem landsliðsþjálfarar fylgjast með efnilegum leikmönnum fyrir komandi verkefni.

Borja González Vicente verður yfirþjálfari búðanna og munu þjálfarar á þjálfaranámskeiðum BLÍ og aðrir reynslumiklir þjálfarar einnig taka þátt í framkvæmd búðanna. 

Gert er ráð fyrir að æfingar hefjist á föstudegi kl. 17:00 og ljúki á sunnudegi um kl. 14:30.

Innifalið í þátttökugjaldi eru æfingar, hádegismatur báða dagana, fyrirlestur, bolur og sundferð. Upplýsingar um dagskrá og aðra framkvæmd verður auglýst síðar í tölvupósti til þátttakenda.

Skráning fer fram á Abler, https://www.abler.io/shop/bli. Skráning lýkur 14. ágúst fyrir búðirnar í Mosfellsbæ og 21. ágúst fyrir búðirnar á Húsavík.

Ef að félög óska eftir gistingu fyrir sinn hóp skal hafa samband við skrifstofa@bli.is.