Dómaranámskeið BLÍ 2026

Dómaranámskeið BLÍ

Lengd: 10  klukkustundir

Blaksamband Íslands (BLÍ) heldur dómaranámskeið Í Neskaupstað  dagana 12. – 13. september n.k. og á Húsavík dagana 19. – 20. september n.k.

Námskeiðið er ætlað þeim sem hafa áhuga á að starfa sem dómarar í blaki. Farið verður yfir helstu reglur leiksins, hlutverk dómara, dómarahandamerki og framkvæmd leikja, bæði í bóklegum og verklegum kennslustundum.

Að loknu námskeiði og staðfestu prófi öðlast þátttakendur héraðsdómararéttindi hjá Blaksambandi Íslands, sem veitir heimild til að dæma leiki á mótum sambandsins samkvæmt gildandi reglum.

Aldurstakmark: 15 ár.

Dagskrá

Laugardagur

10:30 – 12:00   Bókleg kennsla – leikreglur

12:30 – 15:00   Bóklegt próf – leikreglur

15:30 – 18:00  Bókleg kennsla  – leikreglur

Sunnudagur

09:00 – 10:30  Bóklegt próf

11:00 – 14:00   Verkleg kennsla í sal

Skráning og þátttökugjald

Tvær leiðir eru í boði til skráningar á námskeiðið:

Einstaklingsskráning

• Þátttökugjald: 20.000 kr. á mann

Félagsskráning

• Þátttökugjald: 60.000 kr. á félag
• Innifalið er þátttaka fyrir allt að þrjá þátttakendur, en félagið getur jafnframt sent fleiri þátttakendur án aukakostnaðar

Félagsskráning er því hagkvæmasti kosturinn fyrir félög sem hyggjast senda þrjá eða fleiri þátttakendur á námskeiðið.

Skráning fer fram í gegnum Abler fyrir einstaklingsskráningu: https://www.abler.io/shop/bli
Fyrir félagsskráningu skal senda beiðni um að fá reikning í heimabanka fyrir þátttökugjöldum á katrin@bli.is.